СООПШТЕНИЕ:

Со оглед на настанатата состојба и кризните мерки за справување со пандемијата на COVID-19, и покрај нашата целосна подготовка за настап на овие избори, сметаме дека во прв план треба да се стави здравјето на граѓаните, а предвремените парламентарни избори закажани за 12 април да се одложат за период од најмалку два месеца.

Предлагаме сите вклучени институции и политички субјекти да го прифатат предлогот на Претседателот Стево Пендаровски за одлагање на изборите. Во овој период на криза, треба да се отфрлат политиканските калкулации на партиите, да се соочиме со настанатата реалност, да се вразумиме сите и да бидеме одговорни и солидарни.

Македонски концепт ги откажува и ги замрзнува сите планирани активности, вклучително и прес конференцијата којашто беше закажана за денес.

Повикуваме на единство на нацијата во справувањето со корона вирусот, да се оставаат на страна партиските и личните интереси. Затоа што државниот и јавниот интерес е пред сè!

Ви благодариме и посакуваме сите да останеме здрави и безбедни.

Македонски Концепт
 

За Македонски Концепт

Македонски Концепт” е политичка платформа за промоција на иновативни идеи и решенија, на база на граѓански активизам. Во таа платформа може свое учество да земат политички партии, здруженија и организации, граѓани, без разлика на етнички, верски, политички или било кој друг идентитет го носат во себе .
 

Цел, мисија, идеал

Основна цел за постигнување е просперитетна и бескомпромисно интегрирана, домашно и меѓународно, граѓанска држава и нација на богати граѓани, кои ќе живеат во фер општество во кое ќе има шанса за секого и во кое ќе царуваат правото и безбедноста. На крај од нашата мисија треба да создадеме „жива Македонија“, а тоа е држава полна со млади луѓе, на кои во наследство ќе им оставиме три работи – држава, слобода и пари!
Поаѓаме од идеалот на револуцијата „Македонија на Македонците“. Под „Македонци“ ги подразбираме сите граѓани на македонската Република, кои искрено и недвосмислено ја поддржуваме нејзината државност. Сите ние сме дел од современата државотворна македонска нација. Етничкиот патриотизм се отфрла и заменува со државен патриотизам во граѓанска држава на современа граѓанска нација. За нас, македонската нација е политичка заедница на сите граѓани на македонската држава, при што секој од нив поединечно, како индивидуи, но и како дел од своите примарни етнички заедници, ќе учествуваат и ќе даваат сестран придонес во нејзиното устројување како компактен политички организам.

"Подршка добиваме од голем број сограѓани, чија желба за подобра иднина
и подобро утре е посилна од било кога досега! "
aaaaaaaaaaaaaaaaaaaaaaaaaaaaaaaaaaaaaaaaaaaaaaaaaa-Калин Митрески




Приклучи се
за нормална држава


Редно е и ние да си имаме наш, Македонски Концепт за нашата иднина.

ЗА НОРМАЛНА ДРЖАВА !

МАКЕДОНСКИ КОНЦЕПТ

ПРИКЛУЧИ СЕ